श्री. खंडोबा देवता कडेपठार
मणी व मल्ल दैत्यांचा संहार करण्यासाठी भगवान शंकराने सप्तऋषींच्या विनंतीवरून श्रीमार्तंड भैरवाचा अवतार धारण केला. भगवान शंकर व आदिमाया शक्तीने तेहतीस कोटि गण व देवसेनेसह युद्धासाठी भूतलावर पदार्पण केले ते धवलगिरीच्या पठारावर, तो दिवस होता आषाढ शुद्ध प्रतिपदा. या ठिकाणी अवतरल्यानंतर गणांनी मार्तंड भैरवाची पूजा केली आणि विनंती केली की "या भूमीवर लिंग रूपाने आपण सदैव राहावे." सर्वांचे मनोरथ पूर्ण करणा-या मार्तंड भैरवाने तथास्तु म्हंटले व धवलगिरीवर द्विलिंग रूपात प्रकट झाले. आज कडेपठार तो मूळचा धवलगिरी, युद्धासाठी येथून प्रस्थान ठेवल्यानंतर काही काळ याला प्रस्थपीठ म्हणूनही संबोधले जात होते.
श्री खंडोबा मंदिरातील नित्य पूजा पाठ
पहाटे ५:३० वाजता
भूपाळी: मंदिर दररोज पहाटे ५:३० वाजता उघडते, मंदिर उघडल्यानंतर विधीपूर्वक देव उठऊन देवाची भूपाळी गात महापूजाविधी होऊन महाआरती केली जाते.
दुपारी १२:३० वाजता
धुपारती: दररोज दुपारी मध्यान्न्नंतर साधारण्री १२:३० वाजता श्री. खंडेरायाची विधिपूर्वक महापूजा होऊन आरती केली जाते.
रात्री ८:३० वाजता
शेजआरती: दररोज रात्री ८:३० वाजता विधीपूर्वक पूजाअर्चा होऊन देवाची शेज केली जाते व देव झोपवले जातात आणि लगेचच साधारण ०९:०० वाजता मंदिर बंद होते.
